Записник бр.2 од седница на Управен одбор на ВФМ

  • 2023-03-23

Велосипедска Федерација на Македонија

     13.02.2023 година

       Записник бр.2

 

  Од одржаниот состанок на Управниот одбор  одржан на  13.02.2023 година во Скопје.

Присатни: Сашо Димитријоски, Александар Поповски, Африм Јусуфи, Марјан Петровски, Дејан Новковски, Емил Цветанов, Игор Талевски и Сашо Ванчевски. УО едногласно го определи за Записничар Сашо Ванчевски.

Состанокот го отвори и ги поздрави присутните Претседателот Сашо Димитријоски. По ова на членовите на УО им се предложи следниот,

 

                                                   Д Н Е В Е Н  Р Е Д

    1. Разгледување на Записникот од последниот У.О.
    2. Припреми на матреријали за годишно собрание
    3. Разно.            

 

  Од како се утврди дека има кворум за работа, предложениот дневен ред беше усвоен едногласно.

 

ТД-1

Записникот од Седницата на УО одржана на 25.01.2023 година се разгледа и се усвои едногласно.

 

ТД-2

 Претседателот му даде збор на Секретарот, кој пак ги информира присутните членови на УО за следното:

 Согласно насоките дадени од страна на УО од седницата одржана на 21.01.2023 година, до канцеларијата на ВФМ, во предвидениот рок за поднесување на кандидатура за Претседател на федерацијата, е пристигната една кандидатура за претседател на ВФМ. Kандидатурaта не ги исполнува условите предвидени во Статутот на ВФМ од причина што ја нема добиено подршката од најмалку четири (4) полноправни членови.  Сите дописи во врска со ова прашање кои пристигнаа до денот на одржувањето на седницата се ставија на увид на присутните.

Членовите на УО констатираа дека  поднесената иницијатива за подршка на кандидат за Претседател на ВФМ е неуредна и не е во согласност со член 56 од Статутот на ВФМ.

По ова УО едногласно констатира и донесе Заклучок дека за престојното Собрание нема уредна кандидатура за Претседател на федерацијата.

Се пристапи кон разгледување и усвојување на Извештајот за работа со финансискиот извештај за 2022 година. Се подвлече дека се подмирени заостанати долгови постари од десет години спрема УЦИ.

Се пристапи кон разгледување и усвојување на Програмата за работа за 2023 година.

Сите одлуки беа донесени едногласно.

Се задолжи Секретарот на ВФМ сите материјали веднаш да се достават до клубовите за Собрание.

УО едногласно донесе одлука со која Собранието на ВФМ се закажа за 01.03.2023 година, во 18:00 часот во Битола, со предлог на следниот Дневен ред за Собрание на ВФМ:

 

1. Отварање на седницата и утврдување на кворум за работа.

2. Разгледување и усвојување на  записникот  од последно Собрание

3. Разгледување на извештај за работата на ВФМ за 2022 година со финансов  извештај

4. Избор на претседател на ВФМ по заклучок од седница на управниот одбор одржана

     на 13.02.2023 год.

5. Избор на управен одбор на ВФМ составен од претседател и 6 члена 

6. Избор на надзорен одбор во состав од 3 члена

7. Разгледување и усвојување  на програма за работа на ВФМ за 2023 година

8. Барање за прием во членство на ВФМ

  ТД-3

На Барање на ВК Крос сајклинг е променет датумот на одржување на вело крос трка Трофеј Куманово, трката ќе се одржи на 05.03.2023 год.

 

 

По исцрпување на Дневниот ред претседателот констатира дека состанокот е завршен. 

 

                                                                                                                                                         Претседател

                                                                                                                                                     Сашо Димитријоски